في فصل الشتاء تتعرض الشفاة للتشقق والاسوداد ولتجنب هذا التشقق تعالي اقولك هاتعملي ايه.
ازاي تعملي بلسم لترطيب الشفاة في البيت:
المكونات:
3 ملاعق فازلين
بواقي احمر شفاة “روج”
ملعقة زيت جوز الهند
ملعقة زيت زيتون
الطريقة:
_ هاتسيحي الفازلين والروج والزيت الزيتون وزيت جوز الهند في حمام دافئ عالنار وتقلبيه كويس لحد ماتخلطيهم وبعدين تحطيهم في برطمان وتحطيه في التلاجه بساعه قبل الاستخدام.
بلسم بنكهة النعناع:
المكونات:
8 قطرات من زيت النعناع
ملعقتين من زيت الزيتون
3 ملاعق فازلين
الطريقه:
هاتسيحي الفازلين في حمام دافئ عالنار وبعدين تحطي عليه الزيت النعناع وزيت اللوز وتخلطيهم كويس وتحطيه في برطمان وبعدين وتسيبيه لمدة ساعتين قبل الاستخدام.
بلسم بنكهة الشوكولاته:
المكونات:
3 ملاعق فازلين
ملعقه من زيت جوز الهند
ملعقه من زيت اللوز
ملعقه من رقائق الشيكولاته
الطريقه:
هاتخلطي كل المكونات مع بعض وتسيحيها في حمام دافئ عالنار لحد مايتجانسوا مع بعض وتحطيهم في برطمان وتسيبيه لحد مايتجمد وبعدين استخدميه.
إرسال تعليق